Wenn du auf einen Link klickst und etwas kaufst, können wir eine kleine Provision erhalten. Zu unseren Richtlinien.

OMSI 2 Add-on Köln - Mit däm Bus ungerwäs in d'r schönsten Stadt am Rhing

Maach et doch besser wie die KVB.

Anmerkung Alex: Dies ist der erste klingonische Text, den ich korrigieren musste. Wer Fehler findet, mag es mir nachsehen.


För nen echte Kölsche gilt eigentlich nur dat Motto: Ich mööch zo Foß noh Kölle jonn. Wat ävver, wenn mer alt do es und die Stadt erkunde möch, ohne sich zo ärch anzustrenge?

Na, dann fährt mer eben met d'r KVB, den Bussen und Bahnen der Kölner Verkehrs-Betriebe, dürch der Jäjend. För all die, die jerade net en d'r schönsten Stadt d'r Welt sin künn, jit et dat neue Köln Add-on för den Bussimulator OMSI.

Der Streck en Kölle beginnt am Hauptbahnhof un führt üch vun d'r Innenstadt bes en der Vörorte.

Isch ben ne echte Fründ vun Omnibus-Simulatoren un han mich ärch gefreut, dat et e neue Kaat för de OMSI 2.0 jit. Ehr könnt jetz met d'r beliebten Linie 132 dürch der Stadt jöcke un vum Breslauer Platz am Hauptbahnhof, am Dom und der Hohenzollernbrücke erüvver, de Innenstadt erkunde. Wigger jeht et dann dürch der Vörorte, mit winnich Verkehr un vill Nator, bes noh Rondorf un Meschenich. Knapp e Stunde seid ehr en d'r foosch befahrene Innenstadt un op Landstraßen ungerwäjes.

Schön es anders, ävver de Dom, der Hauptbahnhof und andere Wahrzeichen sind jood zu erkenne.

Dat es jar net esu leicht, denn dobei dürft ehr kein Haltestelle auslasse, müsst pünktlich ankomme, verkauft de Lück Fahrkarten, gebt dat passende Rückgeld us un sollt dobei emmer fründlich sin. Wann ehr net flott jenoch seid, knöttere de Fahrgäste met üch. Besonders kribbelich es et wann ehr nen Unfall baut, dann müsst ehr anhalte, dä Warnblinker setze un de Schmier rofe. Söns kassiert ehr en Knöllche und ene Eintrag in üür Personalakte. För m'r Kölsche es et janz normal över der KVB ze schänge, ävver wann mer selver am Stör sitz, süht dat allt anders us.

Esu sauber es et normalerweise net en enem Bus d'r KVB.

Schön: Ehr könnt met unterschiedliche Busse, wie däm Mercedes Citaro Stadt- un Gelenkbus, die 28 Haltestellen anfahre un dobei op dä Fahrt och de Dachszick un dat Wedder bestemme. Net esu schön: De Grafik schwangt zweschen zweckmäßig un schäbbig, besonders de Klon-Fahrgäste un wenigen unterschiedlichen Autos op d'r Stroße rieße üch allt ens us dem Spill. Dozo kumme noch etliche Grafikfehler un erschreckend leere Umgebungen.

Ehr könnt der 13 KM lange Streck met enem Mercedes Citaro Stadt- ov Gelenkbus befahre.

Trotzdem maach et, besonders för Kölsche, richtich Feez, aan d'r Wahrzeichen d'r Stadt erüvver ze jöcke un en mallich Stroß bekannte Plaatze un Geschäfte ze usbränge. Sujar ming ahl Schull en d'r Severinsstroß han isch direkt erkannt. Nevve Kölle sin noch weitere Add-ons angekündigt, su sull em Dezember och e Kaat för Düsseldorf erscheine. Isch froch mich allerdings wieso, do well endoch kei vernünftige Minsch hin.


Entwickler/Publisher: MR Software/Aerosoft Erscheint für: PC- Geplante Veröffentlichung: 7. November 2019 - Angespielt auf Plattform: PC

Verwandte Themen
Über den Autor
Ulrich Wimmeroth Avatar

Ulrich Wimmeroth

Freier Autor

Mag Rollenspiele und Ego-Shooter, sammelt Retro-Konsolen und nutzt seinen PC hauptsächlich zum Schreiben über Spiele. Und für Strategie natürlich. Und das seit Dekaden.

Kommentare